Энэ сэдэвээрээ хэн нэгэн хүний тухай ярихыг хүссэнгүй. Тогтолцоог ярья гэж бодлоо.
Бид өнөөдөр ардчилсан, парламентийн засаглалтай бүгд найрамдах улсад амьдарч байна. Төлөөллийн ардчилалыг хирэндээ л дажгүй бий болгочихсон. энэ нь бидний хувьд алт, зэс, уранаас ч илүү баялаг юм. Тэгвэл ийм нийгэмд Ерөнхийлөгч гэх энэ институцийн гол үүрэг нь яг юу юм болоо? Бид ерөнхийлөгчийг сонгохдоо яг юуг нь харж сонгох ёстой юм бэ?

Санал бодлоо хуваалцацгаая.

Миний хувьд хүнийг харж биш тогтолцоог харж сонгоосой гэж хүсч байна. Өнгөрсөн хугацаанд манай улсын ерөнийлөгчийн гол хийх ёстой БАЙСАН зүйл бол хууль тогтоох, гүйцэтгэх, шүүх засаглалын тэнцвэртэй байдлыг хангах, улс төрийн тавцанд ч тэр эгэл амьдралд ч тэр тэгш, шудрага, ил тод байдлыг бий болгох, Монгол Улсад шудрага шүүх, хууль хэрэгждэг системийг бий болгох юм. Зам барих, өр шийдэх, сая таван зууг амлах бол үнэндээ УИХ, ЗГ-ын үүрэг байлтай.

Харамсалтай энэ бүгдийн аль нь ч Монголд хэрэгжээгүй гэдэгтэй бүгд санал нийлэх байхаа. Сонгууль гэж яагаад байдаг юм бэ? Социалист нийгмийн үед ч сонгууль байж л байсан. гэхдээ зорилго нь шал ондоо. Социализмийн үед зүгээр жүжиг байсан бол ардчилсан нийгмийн үед хариуцлагын тогтолцоо маягаар хэрэгждэг. Ардчилсан нийгэмд үүргээ гүйцэтгэж чадаагүй ард түмний төлөөлөгч сонгогдох ёсгүй. Үүний ч ачаар төрийн тэргүүнд гарсан этгээд өндөр байна уу намхан байна уу, авилга авсан уу үгүй юу, ажилсаг байна уу яриасаг байна уу аль нь ч бай дахин сонгогдохын тулд өөрийн эрхгүй хариуцлагатай ажиллахаас өөр аргагүй болдог.

Бүгдээрээ ийм тогтолцоог Монголдоо бий болгоцгооё. Энэ бол 1000 хувь биднээс шалтгаална. Түүнээс биш Их хуралд байгаа76 ямаа эсвэл урт богино, шар ногоон дээлтэнгүүдээс хамаарахгүй гэдгийг сайн ойлгоосой гэж чин сэтгэлэээсээ хүсч байна. Үүргээ гүйцэтгэж чадахгүй байгаа институцид лааз өшиглүүлж хариуцлагыг нь тооцож байя. Гүйцэтгэж чадаж байгаа этгээдэд итгэл хайрлаж, дахин дөрвөн жилийг бэлэглэж байя.

Монгол орон мандан бадраг.

За би лут том нээлт хийчлээ шүү нөхдөө!

Өнгөрсөн үе рүү аялж болох юм байнаа. Өвөг дээдсийнхээ юу хийж байсаныг нүдээр харах бүрэн боломжтой гэдгийг дөнгөж сая онолын хувьд баталчихлаа. кк

Ер нь би энэ нээлтээрээ Нобелийн шагнал авах байх гэж горьдож байгаа. Харьцангуй онол ч их инээдтэй л санагдаад явчлаа шүү гэсэн :P

Яаж гэхээр хэрвээ гэрлийн хурднаас илүү хурдтай сансарын хөлөг бүтээж чадвал боломжтой болох юм байна.

Жишээ нь: Чингисийг яг орой дээрээс нь юу хийж, яаж байсаныг нь харья гэвэл гэрлийн хурднаас хурдан хөлөг зохиогоод Чингисийн толгой дээр ойсон гэрлийн бөөмийг гүйцэж очиж нүдээрээ мэдрэх хэрэгтэй.

Нарнаас ирж буй гэрэл 8 минутын дараа л бидний нүдэнд мэдрэгддэг шүү дээ. Яг энэ цаг мөчид нар сүйрчихсэн ч байж магад. за за муу ёр. Тэхээр Чингисийн толгой дээрээс ойсон гэрлийн бөөм одоо даруй 800 гэрлийн жилийн зайг туулаад явж байгаа байхана. Дунд нь ямар нэгэн гариг, сүүлт од дайралдчихгүй л бол гүйцэж болно л гэсэн үг л дээ.

Өөрөөр хэлбэл дэлхийгээс 800 гэрлийн жилийн тэртээд орших гариг дээрээс асар хүчтэй дуран авиагаар дэлхий рүү яг одоо өнгийх аваас тэнд Монголчуудын сэргэн мандалын үе харагдах болой.

За нөхөд минь дандаа дээвэртэй газар л нууц юмнуудаа хийж байхгүй бол ирээдүйд үр сад маань маниусыг дээрээс маань хараал шоолж инээцэн нтр хэцүү л юм болхоно байна шүү.

Гэнэт гэгээрсэн Альбэрт Эркардоштэйн.

90 ээд оны залуусын шүтээн, бүх цаг үеийн хамгийн шилдэг хөвгүүдийн хамтлаг маань ийм л байждээ найзуудаа. Ялангуяа тэр Nick-ийг хараарай кк. Howie гоцолдог байсан байгааз. за тэр стиль нтр бол ёстой татаагаа хаячина. Анхандаа NKOTB-ийг л дууриаж гарч ирж байсан бололтой.

BSB, Get Ready, 1993



Энийг бас үзээрэй. 80 аад оны стилиэс boyband уудын шинэ үеийг эхлүүлж буй шилжилтийн үе нь ч юм уудаа. Үүнээс ердөө хоёр гуравхан жилийн дараа гэхэд тэд хаа байсан монголыг хүртэл байлдан дагуулчихсан, мань мэт шүтэж амьдарцан байсан гэхээр... Би лав хэрвээ ийм стильтэй байх үед нь үзсэн бол тийм ч их таалахгүй байх байсан байхдаа.

BSB, Loverboy, 1993



Хэдийгээр эд нар алдарт Битлизийн амжилтыг эвдэж дэлхийн шилдэг таван цомгийн нэгийг гаргаж байсан ч хөвгүүдийн хамтлагийг үүсгэн байгуулагч нь яах аргагүй New Kids on the Block юм.

NKOTB, Tonight 1990.




Миний санахаар Камертоны хамгийн анхны клип нь энэ байх гэж санаж байна. Монголын бүх цаг үеийн хамгийн шилдэг хөвгүүдийн хамтлаг шүү дээ эд чинь (хэн ч маргахгүй байх) Өөлгий өөлгий.

Camerton, Maamuu naash ir, 1996.



Камертон ч үнэхээр Монголыг байлдан дагуулж байсан даа. гэвч бас л анхдагч нь биш юм. Монголын хөвгүүдийн хамтлагийн анхдагч бол яах аргагүй сүнс хамтлаг байх нь эргэлзээгүй. 1991 онд бүжгийн хамтлагаар байгуулагдаж байсан Сүнсийнхэн 1994 оноос дуулж эхэлсэн. 95 онд анхы цомогоо гаргаж, бас тоглолтоо тавьж байсан.

Анхных нь ХИТ дуу "Чи хуурамч" нь 95 он гэхэд ХИТ болчихсон байсан. Даанч клип нь олдсонгүй хэн нэгэнд байвал шэйрлээрэй. Харин энэ дууг оллоо. хэдэн онд гарч байсаныг нь мартаж.

SUNS, Ohin zursan ni,



90 ээд он ч үнэхээр хөвгүүдийн хамтлагийн үе байж дээ ...

Барилгачид өндөр өндөр барилга барьдаг, харин монголчууд шавар амбаар л барьж чаддаг...

Өнөөдөр жаахан шүүмж бичлэг бичдэг юм бил үү?. Монгол хүмүүс чадваргүй, залхуу гэж хэлэх гэсэнгүй. Харин нэг л зүйлийг сурах шаардлагатай гэдгийг санал болгох гэсэн юм. Энэ дутагдалаа бид бүгдээрээ сайн мэднэ. гэвч амьдрал дээр хэрэгжихгүй байсаар л ...

Дээхэнэ нэг танил маань Монголчууд их чадвартай улс, жишээ нь солонгос хүмүүс компьютерт нь жаахан асуудал үүслээ гэхэд шууд засварчин дууддаг, харин монгол хүн бол өөрөө нухсаар байгаад засчихдаг гэж их л бахархалтайгаар хэлж байж билээ.

Бидний хувьд бол мэдэхгүй техник гэж байхгүй. юу нь л эвдрэнэ өөрөө яаж ийж байгаад л засчихна. "монголчилох" гэдэг шиг.

За тэгээд бизнес хийлээ гэхэд нэг л их универсал хүмүүс. Болсон болоогүй бүгдийг нь л хийх гэж дайрна. Нэг жижигхэн компани гэхэд л Барилга, Санхүү, Худалдаа, Үйлдвэрлэл, үйлчилгээ гээд олон салбарт хүч үзнэ. олсон ашгаараа биш, хир олон төрлийн салбарт ажиллаж байгаагаараа уралдацгаадаг бололтой.

Менежментийн хувьд бас л бүгдийг өөрөө гэсэн зарчимтай. Байгууллагынхаа лого г захирал нь өөрөө фотошоп дээр халтарлаж, санхүү бүртгэлээ нягтлан нь эксел дээр оронцоглоно. Өөрсдөө хийчих юмыг гадны үнэтэй мэргэжилтнүүдээр хийлгэж мөнгө үрэх ямар хэрэг байна гэж захирал нь цэцэрхэнэ.

Монгол хүн барилга барихдаа өөрөө дизайнаа гаргаад өөрөө шавраа зуураад өөрөө тоосгоо өрөөд явчихдаг. Явцуухан харвал их л мундаг хүмүүс шиг. Гэхдээ үр дүн нь шавар байшингаас хэтрэхгүй. Харин бусад улсынхан нэг нь дизайнаа гаргаж, нэг нь шавараа зуурж, нөгөө нь тоосгоо өрдөг. ингэснээр тэд өндөр өндөр барилгуудыг сүндэрлүүлж чаддаг. хөдөлмөрийн хуваарь гэдэг шиг.

Сонгодогуудаас иш татваас Альфред Маршалын сүлбээр зүүний онолд энэ талаар дурьдсан байдаг. Нэг нь төмөр утсыг тасалж, нөгөө нь тахийлгаж, гурав дахь нь үзүүрлэж, бас нэг нь тавыг нь хийнэ. үлдсэн нь уутлана. ингэснээр тухайн үйлдвэрлэлийн нийт бүтээмж дан дангаараа хийсэнээс хамаагүй илүү байх болно гэсэн онол. Менежментийн эцэг Фрэйдрих Тэйлор үүнийг үйлдвэрлэлд нэвтрүүлж Генри Форд үүний л ачаар асар их ашиг олсон.

Харин бид сүлбээр зүүний онол буюу хөдөлмөрийн хуваарийн ач тусыг нэг л сайн үнэлэхгүй байх шиг...

Хэд хоногийн дараа он солигдоход гучруу хэлбийсэн насруугаа орлоо. Хорин хэдэн насныхаа талыг нь элээчихэж. Өөрөөсөө илүү ихийг шаардах боловч санаснаар болохгүй юм. Өдийг хүртэл хийж бүтээсэн нь ч яахав больё сурч мэдсэн зүйлээ бодохоор чамламаар...

Өнгөрсөнөө бодохоор уруудах бас алдаж онох үе олон байжээ. Харин тэр болгоны дараа огцом хөгжиж байсан байх юм. Хүний хөгжлийн гол шалтгаан нь өөр юу ч биш зөвхөн өөрийгөө голох явдал байдаг гэж Зигмунд Фрэйдийн онолд үздэг. Тэгэхээр аливаа уналт агуу их амжилтын эхлэл байдаг бололтой. Эсрэгээрээ агуу их амжилт уналтын эх байдаг гэвэл та итгэх үү?

Юм бүхэн мөчлөгтэй байдаг. Хүний гурваас олон үеийн турш дэлхийн нэг номерын улс байсан америк гүрэн одоо ганхаж эхэллээ. Mortgage ийн хямралаас үүдсэн энэ уналтынх нь цаад шалтгаан нь Фридманы тодорхойлсон гурван үеийн сүйрэлээс үүджээ.

Дайнд ялагдах эсвэл аймшигт уналтын дараа улс орон хурдацтай өсдөг, Тэр үеийн хүмүүс өөрсдийгөө асар их голдог учраас биеэ дээд зэргээр дайчлан ажилладаг. Жишээ нь дайны дараах Япон, Герман. 50 иад оны Япон хүмүүс үнэхээр гайхамшигтай хөдөлмөрлөж байсан. долоо хоногийн 6 өдөр, өдөрт 12 оос дээш цаг борив бохисхийлгүй ажилладаг байлаа. дайнд ялагдсан гутрал, дээр нь ямар ч газрын баялаггүй, юу ч үгүй, дэлхий нийтийн өмнө шившиг болсон улсаа аврахын тулд ингэж ажиллахаас өөр аргагүй байлаа.

Гэвч хүний ганц үе бүхэл бүтэн улсыг хөгжүүлэхэд хангалтгүй. Энэ 1-р үе бүхэл хүчээ дайчлан ажилласны дүнд хойч үедээ сайн дэд бүтэц, сайн засаглал, сайн орчин, гарааны хөрөнгө, бяцхан мэдлэг туршлагыг үлдээдэг. Харин тэдний хүүхдүүд буюу хоёрдугаар үе ээж аавынхаа яаж зовж ажиллаж байгааг харж өсдөг. Тэд ээж аав нарыгаа бодвол хамаагүй дээр орчинд хамаагүй дээр боловсролоор ажилцгаадаг. Тийм ч болохоор тэд л улсаа жинхэнэ дээд цэгт нь хүртэл хөгжүүлдэг.

Харин гуравдугаар үе бүх юм нь бэлэн зэлэн, элбэг баян орчинд өсдөг. Тэд сурах мэдэхийн оронд зугаа цэнгэлийг дээдэлж бойждог. Тийм хүмүүс өвөг дээдсийнхээ бүтээсэн баялагийг зөвхөн үрж л чаддаг. Гуравдугаар үеийн сонгодог жишээ бол Фрийдманы тодорхойлсоноор одоогийн залуу, бүдүүн, онгироо, биеэ тоосон, залхуу америкчууд юм.

Харин Монголын залуу үе бид нар хэддүгээр үе юм болоо? Санал бодлоо солилцоцгооё залуусаа.

Хэд хоногийн өмнө бичсэн төрөлжин хөгжихүй бичлэгийнхээ үргэлжлэлийг амласан ёсоороо нийтэлж байна. төрөлжин хөгжихүй бичлэгт Давид рикардогийн харьцангуй давуу талын онолын дагуу манайх шиг жижиг улс аль нэг бүтээгдэхүүнээрээ дагнан төрөжиж хөгжих нь хөгжлийн маш чухал гарц байх бөгөөд энэ нь манайх шиг алслагдмал бөглүү улсад тоон хэлбэрт шилжүүлж болох бараа, ажил, үйлчилгээ байж болох талаар дурьдсан. Энэ бичлэгийг маань ЭМОС клубын Наранбаяр, МОСА ийн жавхаа нар өөрсдийн хувилбараар илүү баяжуулан, өөр өнцөгөөс харан бичсэн байна лээ. Сонирхолтой санагдсан шүү.

Америкийн баруун эргийн дагуу орших өргөн уудам хөндийд Стэнфордын их сургуулийн санаачлагаар төр хувийн хэвшлийн түншлэл (Public Private Partnership PPP) ийн дүнд нэгэн өвөрмөц хөгжлийн загвар бүрэлдэн бий болжээ. 50 иад оны Америкийн төр эдийн засгийг өргөжүүлэх зорилгоор хөл дээрээ тогтоогүй компаниудад ихээхэн хөрөнгийг зарах болсон ч үүнийг яаж дэмий хоосон салхинд хийсгэчихгүй байх вэ гэдэг асуудал тэдэнд тулгарж байлаа. Учир нь практик дээр шинээр байгуулагдаж байгаа 10 компанийн 8 нь дампуурч байсан тул ирээдүйд ашиг олох төслүүдийг бусдаас нь ялгаж санхүүжүүлнэ гэдэг тун эрсдэлтэй зүйл байв.

Харин удалгүй Америкийн төр хувийн хэвшилтэйгээ хамтран энэ асуудлыг гайхалтайгаар шийдэх загварыг бий болгон нэвтрүүлсэн нь эрсдэлийн бизнес (venture capital) хэмээх загвар байлаа. Яаж гэхээр 10 компанийг нэг дор төвлөрүүлээд тус бүрд нь 100 мянган долларын хөрөнгө оруулалт хийнэ. Тэгээд тэднийгээ нэгдсэн журмаар үйл ажиллагааг нь жигдрүүлэх дэмжлэг, туслалцаа үзүүлэн хөл дээр нь зогсоох бодлого явуулсанаар хэсэг хугацааны дараа 7 нь дампуурч 3 нь хөл дээрээ тогтон ашгаа өгч байлаа. Хэдийгээр 7 компанийн 700 мянган доллар салхинд хийссэн боловч үлдсэн 3 компани нь бусад амжилтгүй хөрөнгө оруулалтаа нөхөж, улмаар хэд нугалсан өгөөж өгч байлаа.

Энэ нь их дээд сургууль, судалгаа шинжилгээний байгууллагуудад ч ашигтай тусч байлаа. Эрдэмтдийн лабороторид бий болсон өндөр технологи, ирээдүйтэй бараа, бүтээгдэхүүнүүд энэ загварын ачаар санхүүжигдэн үйлдвэрлэлд маш амжилттайгаар нэвтэрч байсан юм.

Ийнхүү оюуны хөрөнгө, эрсдлийн хөрөнгө хоёрын хослол нь баруун эргийн энгийн нэгэн хөндийд хөгжлийн бүүм хийсэн юм. Удалгүй сэтгүүлчид энэ газрыг дэвэргэн цахиурт хөндийн (Silicon Valley) гэх болжээ.

Алдарт цахиурт хөндийн загвар цаашид улам боловсронгуй болж улс орон бүр эдийн засгийн аль нэг төрөл тэр дундаа тоон хэлбэрт шилжүүлж болох бараа бүтээгдэхүүний үйлдвэрлэлийн салбараа хөгжүүлэхдээ энэхүү загварыг ашиглах болов. Энэ загвар улам хөгжин боловсронгуй болсоор Бизнес кластер хэмээх онолыг бий болгожээ. Энэтхэгийн бангалор, Хятадын Дальяан гэх мэт олон кластерүүд толгой эргэм ашиг олж, улс орныхоо хөгжилд томоохон хувь нэмэр оруулсаар.

Харин манай орны хувьд барилгын материалын кластер зуун айл, Архичдын кластер өвгөнтийн хөндий л байна даа гээлүү за энэ наргиан байлаа.

Бид ч бас олон улсын жишгийг даган өөрсдийн МТ-ийн кластерийг бий болгохоор ажиллаж байна. 2002 онд Монголын МТ-ийн салбарын хөгжлийг хурдасгах зорилгоор Мэдээллийн технологийн үндэсний паркыг байгуулсан нь ихээхэн алсаа харсан ирээдүйтэй хэрэг байсан юм. Хэдийгээр гадны том кластерүүд шиг байж чадахгүй ч цаашдаа монголын тоон хэлбэрт шилжүүлж болох бараа бүтээгдэхүүний төвлөрөл, эрсдлийн бизнес, судалгаа шинжилгээний хүрээлэнгүүд, их дээд сургууль, иноваци, бизнесийг дэмжих төвүүд бүхий мундаг кластер болно гэдэгт би огт эргэлзэхгүй байна. Гагцхүү дээр байгаа хөгшин бурхинууд л үүнийг хир сайн ойлгож дэмжихээс хэзээ гэдэг шалтгаална.

50 тэрбумыг Ямаанд өгөх эсвэл энэ мөнгөө МТ-ийн кластер байгуулж эрсдлийн хөрөнгийн фонд, аутсорсингоор ажиллах мэргэжилтэй ажилтан бэлтгэх зэрэгт зориулах хоёрын гарах үр дүнг бараг харьцуулашгүй бизээ.

Эхний жишээ:

Хүү явсаар нэгэн дундад зууны үеийн европын шилтгээн гэмээр том хүрэн хаалга, маш өндөр таазтай сүрлэг багана бүхий цэлийсэн танхимд орно. Үүдэнд нь эртний хэв маягаар банк гээд биччихсэн байх бөгөөд дотор нь дүүрэн язгууртан шинжтэй өндөр бүрх малгай, пиджак, дэгжин нүдний шил, таягаар гангарсан хүмүүс суух нь суугаад, ярилцах нь ярилцаад, үйлчлүүлэх нь үйлчлүүлээд байж байлаа.

Хүү гартаа нэг алтан зоос барьчихсан байхыг тэндхийн нэг ажилтан бололтой өвгөн олж хараад дөхөж очин "Чи энэ зоосоо банкинд хадгалуулбал хэсэг хугацааны дараа энэ мөнгө чинь өсөх болно. чи илүү их мөнгөтэй илүү баян болмоор байна уу?" гэж асуулаа хүү өөртөө итгэлтэйгээр "Үгүй ээ би баян болох дургүй би үүгээр мөхөөлдөс л авах гэсэн юм гэв. Гэтэл өвгөн " За тийм байж чи тэр урт дарааллыг харж байна уу? тэд бол мөнгө хэрэгтэй болсон хүмүүс тэдэнд чиний мөнгө ямар их хэрэгтэй байгааг харж байгаа биздээ?" гээд дуулж гарав. Дуундаа банкинд мөнгө хадгалуулах нь ямар ашигтай, яагаад хүмүүс хадгалуулдаг талаар өгүүлж. Өнөөдөр чи энэ мөнгөөр нэг зайрмаг авна. банкинд хадгалуулаад жаахан хүлээвэл хоёрыг авна ля ля гэж ирээд бүжиглэж, дуулахын хажуугаар цэвэрхэн цагаан цамцаар жигдэрсэн царайлаг бүсгүйчүүд хойно нь эгнэн зогсож дууг нь түрж гарав...

Гэнэт хүү чангаар "Үгүй ээ би мөнгөө хадгалуулахгүй гэж" хашгиртал тэнд байсан хүмүүс сэрдхийн "хадгалуулахгүй гэж байна! хадгалуулахгүй гэж байна. . ." хэмээн шивнэлдэж эхлэв. "Цаана чинь хүмүүс мөнгөө хадгалуулахгүй гээд байна. Ямар нэгэн юм болсон бололтой. Би ерөөсөө мөнгөө хадгалуулахаа больлоо" гээд нэг эмгэн банкнаас гарж одов. Гэтэл түүний хэлхийг сонссон эхнэр нөхөр хоёр: "Хоёулаа хадгаламжинд байгаа мөнгөө авья. юмыг яаж мэдэхэв банк дампуурах гээд энэ эмгэн больж байгаа ч юм билүү" гээд гүйж одов. Удалгүй танхимд үймээн болж эхлэв...

Кадр солигдоход танхимд газраар хөглөрөх хэрэггүй бичиг цааснууд, шатан дээр шанаагаа тулаад гуниглан суух өвгөн хоёроос өөр зүйл үлдээгүй байлаа...

Хоёр дахь жишээ"

Хотын хамгийн том банк гол хаалганыхаа гадна талд том саравч хийсэн байжээ. Нэгэн бороотой өдөр хүмүүс борооноос нуугдах гээд банкны үүдэнд бөөгнөрөөд зогсож байв. Түүний хажуугаар өнгөрч явсан хоёр хүн хоорондоо ийн ярилцав. "Энэ банкны үүдэнд яагаад ийм олон хүн зогсож байдаг билээ?" нөгөөх нь "мэдэхгүй юмдаа банкинд ямар нэгэн асуудал гарсан юм болов уу? магадгүй хүмүүс хадгаламжин дахь мөнгөө авах гээд оочерлож байгаа байх"

Энэ цуу яриа цаашаа үргэлжлэн "банк дампуурах гэж байгаан гэнэ" гэсэн яриа болж хувирав. Хүмүүс юмыг яаж мэдэхэв гээд хадгаламжаа татаж эхлэв. Ингээд хэдхэн хоногийн дараа хотын хамгийн том, хамгийн баян, хамгийн найдвартай банк дампуурлаа зарлажээ.

Эхний жишээг би бага байхдаа үзэж байсан хэдэн хүүхдүүд нэг цэнхэр шувууг хайгаад олон газраар явж байгаа тухай гардаг мюзиклээс сэдэвлэн бичлээ. харин сүүлийн жишээг нэг найзаасаа сонсож байсан юм.

Энэ хоёр жишээ нь банкны салбар ямар эмзэг гэдгийг харуулж байна. Дээрх хоёр банк хоёулаа том, мөнгөтэй, найдвартай банкууд байсан. гэвч хоромхон хугацаанд санамсаргүй гарсан цуу ярианаас болж дампуурж байна. Тэр яриа гараагүй бол банк байдгаараа оршиж улс орныхоо хөгжилд хувь нэмэр оруулсан хэвээрээ л байх байсан даа.

Альваа улсын хувьд Мөнгө, санхүү нь цус нь гэж бодвол хөрөнгийн бирж зүрх нь, банкны систем судас нь байх болов уу. Банкны системийг төв банк нь арилжааны банкуудтайгаа нийлээд бүрдүүлж байдаг. Арилжааны банкны зөвхөн нэг нь л дампуурахад бусдыгаа чирээд дампуураад дампуураад явчдаг гэж байгаам. Шалтгаан нь яг л дээрх жишээн дээрх шиг. Хүмүүсийг итгэл л үүнийг зогсоож чадна.

Хүмүүсийн итгэл дээр тогтож байдаг маш эмзэг зүйл боловч улс орны эдийн засгийн гол түшиг тулгуур, хурдасгуур байдаг банкуудаа аварцгаая. Ингэхийн тулд зүгээр л банкууддаа итгэцгээе. Та хадгаламжаа татах гэж байгаа бол дахиад нэг сайн бодоод үзээрэй... Бас энэ бичлэгийг илүү олон хүнд тараагаарай.